యువస్పందన

నిశ్శబ్ద మరణం
       .............
మనం కలిసి
కలలు కంటున్న ఓ రాత్రి
హఠాత్తుగా అదృశ్యమై పోయినట్లు
మనసు నెవరో
మెత్తగా పట్టి
ముక్కలు చేసిన చప్పుడు
మన గాయాల స్పర్శ తాకి
నిద్రిస్తున్న నల్ల మందారాలు
విస్మయంగా విచ్చుకుంటున్న
వెగటు వాసన..
నమ్మకంగా మనం నిర్మించుకున్న
ఆత్మీయ సౌధాలు
నిర్వీర్యమై..నిర్వికారమై..
నేలకూలిన నిశ్శబ్ద శబ్దం
నేస్తం..!
నీ గుండె సవ్వడి నాకు వినపడడం లేదు..
మనం..ఇంకా...బతికే వున్నామా???
       ........

సునీత గంగవరపు -

    ....................